Dec 25, 2011

ഏകാന്തത



എന്‍റെ ഏകാന്തത
ചിലപ്പോള്‍ പേനത്തലപ്പിലെ 
കറുത്ത നീരുറവ,
ചിലപ്പോള്‍ കാമാനകളി-
ലാത്മരതിയുടെ വിസ്ഫോടനത്താല്‍
ഉരുകിയൊലിക്കുന്ന വെളുത്ത ലാവ,
ചിതലരിച്ച ഓര്‍മകളില്‍
ഒരു ചുവന്ന വളപ്പൊട്ടിനായുള്ള തിരച്ചില്‍ 
അല്ലെങ്കില്‍ പുസ്തകം തീനിപ്പുഴുവിന്‍റെ
കത്തുന്ന വിശപ്പ്‌ 
പടിഞ്ഞാറേ  മാവിന്‍റെ തെക്കേ കൊമ്പത്ത് 
തൂങ്ങിമരിച്ച സൂര്യന്‍ 
അതുകണ്ട് തീകൊളുത്തി ആത്മഹത്യ ചെയ്ത സിഗരെറ്റ്‌
പിന്നെ ലഹരി നുരയുന്ന കറുത്ത കറുത്ത മദ്യം...
ഇനിയിവിടെയിടമില്ല ,നിനക്കുകൂടി.
പിന്നെന്തിനു സ്വപ്നമേ
ഇന്നീ ഏകാന്തതയെ പകുത്തെടുക്കാന്‍ വന്നു..?

0 comments: